29 Oktober – Wêreldwye #ROBINHOOD-OPTOG

Afrikaans translation of "Robin Hood Global March."

Runs With Scissors

TAKTIESE INSTRUKSIES VAN ADBUSTERS #15

Nou ja toe, al julle saligmakers, rebelle en radikales daarbuite!

Ons beleef tans ‘n magiese oomblik … #OCCUPYWALLSTREET is die katalisator vir ‘n internasionale opstand ten gunste van die demokrasie… die lug kraak eintlik van elektrisiteit hier by ons byeenkomste... mense wat hierheen kom, word gou deel van ‘n Ghandi-agtige kameraderie en skep hoop vir ‘n nuwe soort toekoms. Oor die aardbol heen marsjeer die 99%! Julle het meer mense geïnspireer as wat julle kan raai. Mense grawe hulself nou in om die Eerste Bedryf van ‘n lang Lente te vier.

Dis nou tyd om gewaagde teatrale toertjies uit te haal …aweregse poetse, subversiewe opvoerings en ‘n magdom speelse ontknopings. Laat jou rebelse verbeelding die loop neem. Enige liewe ding, vanaf ‘n transformasie van die globale ekonomie tot ‘n verandering in hoe ons eet, iewers anders uitkom, lewe, liefhê en met mekaar praat…wees die vonk wat ‘n wêreldwye elkedagse revolusie aan die gang sal hou!

Soos wat die beweging volwassenheid bereik, kom ons dink hoe ons ons kritici gaan beantwoord. Kom ons beset die hart van ons globale stelsel. Kom ons onttroon die hebsug wat hierdie nuwe eeu kenmerk. Kom ons werk saam om ons eerste groot eis te definieer.

29 OKTOBER – WÊRELDWYE #ROBINHOOD-OPTOG

Dié is ‘n voorstel vir die algemene vergaderings van die Occupy-beweging.

Agt jaar gelede, op 15 Februarie 2003, het meer as 15 miljoen mense in sestig lande saam optog gehou om president Bush te probeer keer om Irak binne te val… ‘n yslike klomp mense het een dag lank buite ‘dooie tyd’gelewe en gesien hoe sterk ‘n verenigde mensebeweging kan wees. Nou het ons ‘n geleentheid om daardie skouspel op ‘n selfs groter skaal te herhaal.

Op 29 Oktober, op die vooraand van die G20 Leiersberaad in Frankryk, laat mense van oral ter die wêreld hulle stem verhef en eis dat ons G20 leiers dadelik ‘n 1% #ROBINHOOD tax (belasting) op alle finansiële transaksies en handel. Kom ons stuur hulle ‘n duidelike boodskap: Ons wil hê dat ‘n ietsie van daardie $1.3-trillion lekker geldjies wat elke dag in die globale casino gespeel word, opsy sit – genoeg kontant om elke liewe maatskaplike program and omgewingsinisiatief ter wêreld te finansier.

Neem hierdie idee na jou plaaslike algemene vergadering en sluit op 29 Oktober by jou kamerade in die strate aan.

Mooi bly
Culture Jammers Hoofkantoor

occupywallstreet.org / occupywallst.org / occupytogether.org

NS. Kyk wat sê hulle oor die Occupy-beweging

Translated by Translator Brigades[email protected]